DÊRSIM - DEM Partî çarçeweya xebatê weçînayîşî de esnafan reyde kombîyayîşê şarî virazena. Esnafan dîyar kerd ke suka binê erdî dalpe kena û coka ra zî waştî bêra xerepnayîş û biba otopark. 

 

DEM Partî çarçeweya xebatê weçînayîşî de esnafan reyde kombîyayîşê şarî virazena. Namzetê hemşaredarîye yê DEM Partî yê Dêrsimî ewro esanafan reyde kombîyayîşê şarî viraşt û problemê înan goşdarî kerdî. 

 

Seba kombîyayîşî eleqeyêk pîl ame mojnayîş 

 

Hemsereka Pêroyî ya Partîya Herêmê Demokratîke (DBP) Çîgdem Kiliçgun Uçar, Parlamentera DEM Partî ya Dêrsimî Ayten Kordu û Parlamenterê DEM Partî yê Stenbolî Murat Çepnî, Namzetê Hemşaredarîya DEM Partî yê Dêrsimî Birsen Orhan û Cevdet Konak tewrê kombîyayîşê esnafan reyde bîyî û eleqeyek pîl seba înan ame mojnayîş. 

 

Esnafan problemanê xo vatî 

 

Parlamenter û namzetan dîyar kerdî ke ganî xisarê ke qeyûm bîyo sebeb bêrê peynîkerdiş û coka ra lazimî bi raya şarî est a. Dima ra esnafan bale ant serê problemanê xo. Esnafan dîyar kerd ke suka binê erdî dalpe kena û coka ra zî waştî ke bêra xerepnayîş û herinda aye de otopark bêro viraştiş.