STENBOL - Avûkatanê Hatîce Yildiza 75 serrî ke serê sedyeye berdibî zîndan, dîyar kerdî ke Hatîce sewqê nexweşxaneyî ameye kerdiş. 

 

Derheqê Hatîce Yildiza 75 serrî ke Esenyurtê Stenbolî de ciwîyayîne, bi sebebê ke kênaya xo ya tepişte û embaza aye ya qawîşî rê pere şirawita bi îdiayê “fînansmanîya rêxistine” dewa ameye akerdiş. Dimayê muhakemeyê 3 serran, bi eynî îdia 4 serrî û 2 aşmî cezaya zîndanî ci rê ameye birnayîş. Hatîceya ke problemê aye yê weşîye estbî, serê sedyeyî de keye ra ameye vetiş û berdîya zîndan. 

 

Avûkatanê Hatîce 25ê adare de bi miwekîla xo reyde pêvînayîş kerd. Avûkatan semedê Hatîce, muracatê Dadgeha Destûra Bingehîn (AYM) kerd. Sewbîna avûkatan semedê lajê xo reyde pêvînayîş bikero, muracatê Dozgerîya Komare ya Bakirkoyî dayî, dozgerî seba ke roja pêvînayîşî nêzdî ya waştiş red kerd. Keyeyo ke ewro şî serdayîşê Hatîce, dayî zanayîş ke aye berdê Nêweşxaneyê Cigêrayîş û Perwerdî yê Dr. Sadî Konukî.