Elfazî Toral

 

MÛŞ - Cinîyê Mûşî dîyar kerdî ke yewine partîya ke fêdeyê aye seba şarî est o DEM Partî ya û wina vatî: “Rayêk ma îradeyê ma yo. Ganî DEM Partî ser bikewa. Ganî her kes şêro serê sindoqan û wayîrê îradeyê xo bivejîyo.”

 

Weçînayîşê herêmî yê 31ê Adare rê demêk kilm mend û DEM Partî her ca de xebatê xo rayîr ra bena. Namzet û temsîlkarê DEM Partî ber bi ber gêrenê. Muş de zî xebatî bêmaben yenê kerdiş. Hemsereka DEM Partî ya Mûşî Kadrîye Tang û endama meclîsî Şîlan Nerzîye vatî ke bi qerardarî ke Mûş bigîrê û venga her kesî kerdî ke şêrê serê sindoqan, wayîrê sindoqan bivejê.

 

‘Ganî şar wayîrê îradeyê xo bivejîyo’ 

 

Şîlan Nergîze da zanayîş ke weçînayîşê herêmî xeylê muhîm o û wina vat: “Ganî şarê ma seba rayîrberîyê xo rayê xo bişuxillno. Ganî wayîrê îradeyê xo vejîyo. Rayîrberîyê herêmî seba şarê ma muhîm o. Serê esasê waştişê şarî de xebat muhîm ê. Zîhnîyetê şaredarîye muhîm o. Ganî her weçînitox rayê xo bierzo. Ganî hemwelatijî wayîrê rayê xo bivejê. Ameyo tespîtkerdiş ke xeylê ciwan teberê bajar de yê.”

 

‘Rayê ma îradeyê ma yo’ 

 

Şîlane qiseykerdişê xo de wina vat: “Kedkarê ke tebere bajarî de xebetîyenê est ê. Hemwelatijê ke îmkanê înan çin o şêrê teberê bajarî est ê. Çike Tirkîya îmkan nêdana ciwanan. Raşteyêke komelkî çin o. Ciwanê ma metropolan de ciwîyenê. Tay koç kenê. Tay seba kar şinê. La ganî rayê xo bierzê. Rayê ma îradeyê ma yê. Wayîrvejîyayîşê sindoqan yeno manaya bedilnayîşê bajarî.”

 

‘Ganî DEM Partî ser bikewa’ 

 

Hemsereka DEM Partî ya Mûşî Kadrîye Tange zî wina vat: “Rayîrberîyê herêmî şar o. No tena şarî eleqedar keno. Keyatî ra bigêre heta şaredarî, endamê meclîsî heme seba xizmetê şarî est ê. Seba fêdeyê şarî nê mekanîzmayî muhîm ê. Mûş de raşteyê cinîyan zaf kêm o. Cinîyî mîyanê çar dêsan de yê. Seba cinîyan raşteyêk çin o. Binê serdestîya camêrdî de yê. Coka ra ganî şêrê serê sindoqan. Çi destê ma ra yeno ganî ma bikerê.”

 

‘Yewine partîya bi fêde DEM Partî ya’ 

 

Kadrîyeye qiseykerdişê xo wina peynî kerd: “Ganî Şarê kurdî û dostê kurdan destê înan ra çi yeno bikerê. Ganî her kes destê xo bido serê wijdanê xo û rayê xo bierzo. Ganî bibê wezîfedar û muşahîd. A roje kar keweno serê mile ma heme kesan. Ganî ma asayîşê sindoqan bigîrê. No seba şarê ma muhîm o. Ganî ma wayîrê rayan bivejê û îradeyê xo bivejê.”