Rojda Aydin

 

AGIRÎ - Weçînayîşê herêmî ke do 31ê Adare de bêro kerdiş de 61 mîlyon û 441 hezar û 882 weçînitoxî do şêrê serê sindoqan. Heto bîn de 1 mîlyon 32 hezar û 610 ciwanî do reya yewine raye bierzê. 

 

Weçînayîşê herêmî yê 31ê Adare rê tena di roje mend, şar nê weçînayîşî sey weçînayîşê tarîxî bi name keno. Heme çimî bi heyecanêk pîl bajarê Kurdistanî de yê. Weçînayîş rê êdî saet mendo û xebatî peynî benê. Weçînayîşê herêmî de do şaredarê 30 bajarê pîl, 51 bajar, 973 qeza û 390 bajarok, 50 hezar û336 keya bêrê dîyarkerdiş. 

 

Serekê Heyetê Weçînayîşî yê Berzî (YSK) Ahmet Yenerî eşkerayîya xo ya ke çend roje verê cu dabî û vatbî ke 36 partîyê sîyasî eşkenê tewrê weçînayîşê 31ê Adare bibê. Weçînayîşê herêmî ke do 31ê Adare de bêro kerdiş, 61 mîlyon 441 hezar û 882 weçînitoxî do şêrê serê sindoqan. Heto bîn ra bajarê Kurdistan û Tirkîya de 256 hezar û 556 sindoqî do bêrê ronayîş û şar do rayanê xo bierzo. 

 

Weçînitoxî se ra 50,59 cinî û se ra 49,41 zî camêrdan ra pê yeno. Heto bîn ra 1 mîlyon 32 hezar û 610 ciwanî do reya ewilî rayê xo bierzê. 

 

Weçînayîşê herêmî yê serra 2019î de 194 hezar û 678 sindoqî ameybî ronayîş û bi temamî 57 mîlyon 87 hezar û 743 weçînitoxî est bî. Wexto ke 48 mîlyon 271 hezar û 511 weçînitox raye da, 46 mîlyon 263 hezar û 775 rayî derbasdarî û 2 mîlyon 7 hezar û 736 rayî zî betal ameyî qebûlkerdiş.