WAN - Mûtlak Tozûno ke 30 serrî tepişte mend û Zîndanê Tîpê T yê Akhîsarî de ameyîne tepiştiş, semedê nêweşîyê xo yê weşîye wedarnabî nêweşxane û dima ra bi şertê kontrolê edlî amebi veradayîş. Mûtlak ewro Nêweşxaneyê Cigêrayîş û Perwerdeyê Wanî de dinyaya xo bedelnaye.

 

Mûtlak Tozûno ke 30 serrî bî tepişte bî û Zîndanê Tîpê Tyê Akhîsarî de ameyîne tepiştiş, seba nêweşîyê xo yê weşîye wedarnabî nêweşxane û dima ra bi şertê kontrolê edlî amebî veradayîş. Mûtlak, serê waştişê keyeyê ey de tedawiya ci Wanî de bêro dewamkerdiş, 2yê adare de sewqê Nêweşxaneyê Perwerdeyî û Cigêrayîşî yê Wanî amebi kerdiş. Mûtlak vizêr şan de rewşa ci giran bî, saetê serê sibayî de dinyaya xo bedelnaye. 

 

Ame dîyarkerdiş ke cenazeya Mûtlakî do qezaya Panosî ya Agirî de bêro definkerdiş. 

 

Mûtlak Tozûn 18ê kanûne serê sibayî hucreya xo de serê hişê xo ra şino û ey wedarnenê nêweşxaneyê Dewlete yê Akhisarî û 3 rojan uca de ame dermankerfiş, tetkîkan de yeno dîyarkerdiş ke mîyanê bedenê ey de kîtle est a. seba ke îmkanê nêweşxaneyî kêm bîyî, 18ê çeleyî de ey wedarnenê Nêweşxaneyê Perwerde û Cigêrayîşî yê Îzmîrî, a roje û nata ra ameyîne dermankerdiş. Wextê dermankerdişî de avûkatê Mûtlak Tozûnî seba veradayîşê ey muracat kerdî. Netîceyê muracatî de Mûtlak 25ê çeleyî de ame veradayîî. Dimayê tetkîkê ke ameyî kerdiş, vejîya werte ke Mûtlak Tozûn kanser bîyo.