MERKEZÊ XEBERAN - Teyareyêk bêmerdim û biçeke yê dewleta tirkan, verê wesayîtek ke nêzdîyê keyeyê welatijî yê Kampa Serdeşta Çiyayê Şengalî bombavaran kerd. Derheqê zirerên ganî de zanayîşêk nêame girewtiş.

 

Teyareyêk bêmerdimî û biçeke yê dewleta tirkan reyke bîn hemverê Şengalî de hêriş kerd. Goreyê zanayîşê ke çimeyê herêmî ra ameyî girewtiş hêriş derûdorê saete 12.00ê nîmerojî de corê kampa Serdeştê de ameyo kerdiş.

 

Goreyê xebera ke ameya girewtiş, teyareyê bêmerdim, wesayîtêk ke serê rayîrî de nêzdîyê keyeyê welatijêk de bombavaran kerdo. La xebera hîra bidest nêkewte û nêame zanayîş ke ti zirarêk ganî virazîyayo yan nê.