MERKEZÊ XEBERAN - DEM Partî derheqê nedayîşê mazbatayê namzetê hemşaredarîyê Abdullah Zeydanî de eşkerayî da û vat: “Darbeyê sîyasî dewam keno. Ma hemverê qerarî de îtîraz kerd.” 

 

Namzetê hemşaredarîyê Partiya Têduştî û Demokrasîyî yê Şaran (DEM Partî) ê Şaredarîya Bajarê Girdî ya Wanî Abdullah Zeydanî weçînayîşî de bi ser kewt la mazbata ey nêdayî û dayî namzetê AKP Abdullah Arvas ke weçînayîş de vînî kerd. DEM Partî derheqê babete de eşkerayîyêke newe da. 

 

Eşkerayîye de wina ame vatiş: “Ma qerarê Heyetê Weçînayîşî yê Bajarê Wanî ke mazbatayê Bajarê Girdî yê Wanî da namzet AKP red kenê. No qerar, mudaxileyê îktîdarî û dewamê prosesê darbeyê sîyasî yo. Qerar bi piraniya rayanê endamê Heyetê Weçînayîşî yê Wanî ke ameyê eyarkerdiş û qerarê bêhuqûqî, nêmeşrû û nênaskerdişê îradeyê şarî yo.  Avûkatê ma îtîrazê xo kerdî. Ma venga Heyetê Berzî yê Weçînayîşî kenê ke vê nê bêhuqûqî peynî bikerê û îradeyê şarê me nas bikerê. Partîya ma, endamê ma û şarê ma serê lingan de yo. Heta ke no bêhuqûqî peynî bibo zî do reaksîyonê xo yê demokratîke dewam bikerê. #VandaDarbeVar”