ŞIRNEX - Hemşaredarê Sîlopîya Jiyan Ormanli û Renas Nadîr mazbatayê xo girewtî.

 

Hemşaredarê Partîya Têduştîye û Demokrasîyî yê Şaran (DEM Partî) yê Silopîya Jiyan Ormanli û Renas Nadir Onuk û endamê meclîsî seba girewtişê mazbatayê xo ameyî edlîye. Girseyê şarî seba pêşwazîkerdişê hemşaredaran rêxistina qeza heta verê awanî edliye rayîr ra şîyî û xeylêk reyan bê mabên sloganê "Bijî Berxwedana Wan e" û "Gelê Kurd, dê vîna xwe biparêze" berz kerdî.

 

Girseyê şarî ame verê edliyeyî û bi vilikan hemşaredaran pêşwazî kerdî. Hemşaredarê neweyî hemşaredarê verî yê Silopiya reyde ameyî têhet.

 

3 kesî bi îşkence ameyî destbendkerdiş

 

Hemserekê ke dimayê dewrgirewtişê mazbatayê xo eşkerayîye dayî, reaksîyon vera hîleyê hukmatî yê Wan û Şirnexî mojnayî. Dimayê eşkerayîye girse heta awanîya qeza rayîr ra şî û polîsan verê awanîya qeza de mudaxeleyê girse kerd. Hêrişê polîsan de 3 kesî ameyî destbendkerdiş, mîyanê kesê ke ameyî destbendkerdiş de pîrêke zî est bî û netîceyê hêrîşê polîsan de lewê aye teqîya û 2 kesî zî cayê cîya rîyê xo ra birîndar bîyî.