Mîdye Miqted

 

HELEB - Cinîyên taxa Şêxmeqsûd û Eşrefîye yê Helebî derheq 4ê Nîsane rojbîyayîşê Rayberê PKKyî Abdullah Ocalanî de vatî ke rojbîyayîşê Raybertî seba înan bîyayîşêk newî yo. 

 

Rayberê PKKyî Abdullah Ocalan şert û mercê xoverdayîşî seba cinîyan awan kerd û seba bedilnayîşê tarîxî xeylê xîret kerd. Bi xîretkerdişê ci têkoşîn ame pîlkerdiş û serkewtiş xo reyde ard. Eynî wext de raştîyê nimite eşkera kerd. Rayberê PKKyî Abdullah Ocalan bi rayîrê felsefeya xo komel û ferdan şîyar kerd û rayîrê têkoşînî yê awankerdişê şaristanîya demokratîke roşn kerd. La no hesabê rejîmê destpotî nêame û waştî asteng bikerê. La êdî fikir û felsefeya rayberê PKKyî Abdullah Ocalanî seba cinîyan bî rayîrê xilasî. Coka ra 4ê Nîsane rojbîyayîşê Rayberê PKKyî seba şarê kurdî û pêro komelê bindestî roja newî ra bîyayîş û tekoşînî yo. 

 

Cinîyê taxa Şêxmeqsûd û Eşrefîye yê bajarê Helebî bi wesîleya 4ê Nîsanê Rojbîyayîşê Rayberê PKKyî Abdullah Ocelanî ercnayîş kerdê.

 

'4ê Nîsane seba ma roja newî ra bîyayîşî yo' 

 

Endama Kongreya Stare ya Taxa Şêxmeqsûdî Sûad Hesene derheqê 4ê Nîsane de ercnayîş kerd û vat: “4ê Nîsane rojbîyayîşê rayberî pîroz kena. Aşma nîsane seba ma newî ra bîyayîşê şarê kurdî yo û no tena seba ma nê seba heme şarê Rojhelatê Mîyanênî eynî mana de yo. Ma sey Kongreya Starî yê taxê Şêxmeqsûd û Eşrefîye seba na roje manaya bîyayîş û cuya newî ya."

 

'Raybertî seba cinîye rayîrê azadî û serkewtişî nîşan da' 

 

Sûdane dewamê qiseykerdişê xo de da zanayîş ke semedo ke raybertî rayîrê azadî û serfirazî nîşanê cinîye da ê zî têkoşînê xo danê û vat: “Ma zî nê rayîrî de serê fikir û felsefeya Raybertî de têkoşînê xo berz kenê û soz danê ke ma do Raybertî bîyarê heta peynî. Têkoşîno ke ma heta nika taxê xo da ma do bi wesîleya fikir û felsefeya raybertî berz bikerê. Ma do xoverdayîşê xo heta azadîya rayberê xo yê fîzîkî berz bikerî û çareserîya problemê kurdî dewam bikerê."

 

'Cinîya ke felsefeya Raybertî nas bikera do xo zî nas bikera' 

 

Sûdane qiseykerdişê xo yê peyênan de vat: “Kam ca de beno wa bibo ganî her cinîye azadîya xo pey de şêra. Kam ci bawerî, dîn, nîjad û netewe ra beno wa bibo ganî cinî seba azadîya xo têkoşîn bikera. Felsefeya Rayberê Şarê Kurdî Abdullah Ocalanî baş nas bikera. Çike cinîya ke felsefeya Raybertî nas bikera xo zî nas kena. Raybertî bîyayîş, îrade û bawerî yo û seba ma serkeş o." 

 

'Ma raştîya xo bi wesîleya fikrê raybertî nas kerd'

 

Eynî wext de Şêrîn Bîlale ercnayîş kerd û dîyar kerd ke îmkano ke raybertî da cinîye îmkano tewr muhîm bî û vat: “4ê Nîsane seba ma newî ra bîyayîş o. Îmkano ke raybertî da cinîye îmkano tewr muhîm bi ke bi rayîrê ci cinîyan xo nas kerd. Cinîyê taxa ma tekoşîno ke dayî rayîr ra benê û heta nika zî têkoşînê xo kerde. Bi wesîleya fikir û felsefeya Raybertî bî. Ma 4ê Nîsane Rayberê xo Abdullah Ocalanî rê pîroz kenê û do tekoşînê ma timî dewam bikero. Heta ke ma azadîya rayberê xo yê fîzîkî meşru bikerê. Ma raştîya xo bi wesîleya fikrê Raybertî nas kerd."