MERKEZÊ XEBERAN - Netîceya kampanyaya îmzeyan ya ke seba azadîya fîzîkî ya Rayber Abdullah Ocalanî Vakur û Rojhelatê Surîye de dîya destpêkerdiş, do 7ê Nîsane de bêro eşkerakerdiş. 

 

Kampanyaya îmzeyan ya ke 9ê Sibata 2024î de hetê Înîsîyatîfê Şarî yê Azadîya Abdullah Ocalanî ya Vakur û Rojhelatê Sûrîye ra dîyabî destpêkerdiş, peynî bena. 

 

Tîya ra ver ameybî vatiş ke do kampanya 4ê Nîsane de bi eşkerayîyêke bêra peynîkerdiş. La roja eşkerakerdişê netîceyî ame bedilnayîş. 

 

Goreyê malumatê ke endamê înîsîyatîfî dayî ANHA, eşkerayî do 7ê Nîsane de bêra dayîş. Endamê înîsîyatîfî dîyar kerdî ke ewro bi wesîleya 4ê Nîsane xeylê cayan de şahîyê pîrozkerdişê rojbîyayîşê Abdullah Ocalanî est o, coka ra ê qerar dayî ke eşkerayî taloq biba.