WAN - Hemşaredarê Bajarê Pîlî yê Wanî Neslîhan Şedal û Abdûllah Zeydanî mazbatayê xo girewtî. 

 

Hewldayîşê xespkerdişê hemverê îradeyê şarî yê Wanî û netîceyê protestoyê bi hezaran kesê ke vejîyayî kuçeyan de ancî apey girewtî. Hemşaredarê Bajarê Pîlî yê Wanî Neslîhan Şedal û Abdullah Zeydanî seba girewtişê mazbatayê xo ameyî vernîya Heyetê Weçînayîşî yê Bajarî. Bi seyan kesî Neslîhane û Abdullahî reyde bî. Hemşaredarê ke mazbatayê xo girewtî, vernîya ke şêrê şaredarî ewilî şarê ke înan reyde bî qiseykerdişêk kilm kerdî.

 

Hemşaredare Neslîhane dimayê mazbatayê xo girewte venga girseyî kerd û wina vat: “Demêk derg o seba têduştî, edalet û wijdanê kolektîf newe ra komelî de awan bikerê têkoşîn kenê. Îdarekarîyê herêmî de zî bi eynî fikrî têkoşînê ma dewam keno. Bi taybetî ciwan, cinî, şar, dayîkî, sazgehê sivîlî yê komelî û heme dînamîkê ma yê bajarî ke vernî ra heta peynî dorê namzetanê xo de bîyî, sipasîyê xo ma pêşkêş kenê. Ma sipasîyê xo pêşkeşê herkesê ke hemverê meylêke gengaz heqê xo yê demokratîke dayî werte, xoverdayîşê ma pîl kerdî û kerdî ke têkoşînê ma bi serkewtişî tacîdar bibo, kenê. Serebûtê peyîn yê Wanî yê serê nameyê cigêrayîşê ma yê heq, azadî û edaletî yê komelî xurt bibo, hêvî newe ra gane kerdî. No çî tenê serê nameyê Wanî de nê serê pêro şaran de û cografya de na hêvî berz kerda. Wa no serkewtiş pîroz bo.”

 

Abdullah Zeydanî zî sipasîyê xo pêşkeşê her kesî kerd û vat: “Demêk kilm bo zî ma prosesêk ke huqûq û edalet amebî vindarnayîş ra derbaz bî. Ma sere de sîpasîyê xo pêşkeşê şarê Wanî yê wayîrê îradeyê xo vejîya, hetê demokrasî, huqûq û edaletî helwest mojna û her kesê hîsgêrî rê kenê. Semedo ke ma pêro problemê bajarî yê komî serê yewbînan bîyî  çareser bikerê, ma do dest bi xebatan bikerê û ma sipasîyê xo pêşkeşê pêro şarî kenê.”