Pelşîn Çetînkaya

 

ÊLIH - Ruken Ekîncîye qedexeyê nasnameyê serê kurdî de bi hunerê xo reyde bîyaye kena û vana ke tabloyê aye, raşteyê têkoşînê aye yê.

 

Têkoşînê bîyayîşê kultur û ziwanê kurdî bi serran o vera hêrişê hemverê kultur, ziwan û nasnameyê kurdî de yeno dayîş. Bi na wesîle xeylê dezgeh û komeleyî xebatê xo dewam kenê. Kurdî zî cuya xo bi kulturê xo yê vera asîmîlasyonî honeno. 

 

Ruken Ekîncîya 42 serrî ke Êlih de ciwîyena hemverê heme qedexeyan bi hunerê xo têkoşînê xo dana. Rukene qala meraqê xo yê hunerî û keda xo kerd. 

 

Kelepulê eşteyî ra huner 

 

Rukena ke meraqê aye yê xêzkerdişî resimî est bî, tay erê dest bi xêzkerdişî kerda û gamê ewil ê eştişê hunerê xo, ma reyde pare kerd. Rukene demê peyênan de ewil probleme ekonomîye vera nêeşkena kelepulan bigêra. Dima ra bi kelepulê boyaxî yê tutanê xo, dest bi xêzkerdişî kena. Rukene nêvindena û kincanê xo xora nêdana, kelepulanê mutbax û heme kelepulanê eşteyan tabloyanê xo de xebetnena. Hunerê xo wina îcra kena.

 

Bîyayîşê xo tabloyê xo de neqş kena 

 

Rukene dîyar kena ke amancê aye yê viraştişê tabloyan ‘tabloyêke baş ke dêsî sero de bêro daliqanayîş, xo baş vatişo’ û wina dewam kerd: “Ez psîkolojî,muhendîsî, fikr û felsefe, têkoşînê nasnameyê xo tabloyanê xo de neqş kena. Ez nê tabloyan de derdê xo vana. Ez fikrê xo yê ke bi hawayêkê azade nêeşkena vaja tabloyanê xo de mojnena.”

 

‘Tabloyê mi raşteyê têkoşînê min ê’ 

 

Rukene wina qiseykerdişê xo peynî kerd: “Hunerê mi raşteyê têkoşînê min o. Ez kulturê xo, ziwan û şeklê cuya xo bi hawayêkê azade îfade kena. Ziwan û kulturê mi binê îşxalkerdişî de yo û ez nê çîyî bi hunerê xo ana ziwan. Tabloyê mi raşteyê têkoşînê min ê. Huner û eserê mi raşteyê têkoşînê min ê. Tabloyê mi tarîx, cografya, ziwan, tutî û cinîyê ke şerî ra tesîr bîyê, anê ziwan. Tabloyê mi esasê xo de şer teşhîr kenê.”