MERKEZÊ XEBERAN - Tepişteyê sîyasî yê ke bi waştişê azadîya Abdullah Ocalanî û çareserkerdişê problemê kurdî rê 27ê Teşrîna Peyêne 2023ine ra greva vêşanîye de bîyî, bi wesîleya 4ê Nîsane çalakîya xo açarnayî qonaxêk newe. Xoverdayîşê tepişteyan 133 rojî yo dewam keno.

 

Tepişteyê sîyasî yê ke zîndanê vakurê Kurdistanî û Tirkîya de çarçewaya kampanyaya mîyanneteweyî ya “Abdullah Ocalanî rê azadî, semedê problemê kurdî rê çareserîya demokratîke” de, 27ê Teşrîna Peyêne 2023ine de dest bi grevê vêşanîye ya bêdem û dore kerdibî. 

 

Tepişteyan semedê 4ê Nîsane Roja dayîkbîyayîşê Rayberê PKKyî Abdullah Ocalanî, çalakîya xo ya grevê vêşanîye peynî kerdî û çalakîya xo derbazê qonaxêk newe kerdî. Tepişteyî bi boykotkerdişê pêvînayîşê serê telefonî, keyeyan û dadgehe xoverdayîşê xo dewam kenê. Xoverdayîşê tepişteyan roja 133ine de dewam keno.