MÊRDÎN - Serê îtîrazê AKPyî qerar amebî dayîş ke rayê Kerboranî newe ra bêrê hûmartiş. YSKyî no qerar betal kerd. 

 

Serê îtîrazê AKPyî, Heyetê Weçînayîşî yê Kerboranî yê Mêrdînî qerar dabî ke rayî newe ra bêrê hûmartiş. Partîya Têduştîye û Demokrasîyî yê Şaran (DEM Partî) zî hemverê nê qerarî muracatê Heyetê Weçînayîşî yê Berzî (YSK) dabî. 

 

YSKyî dîyar kerd ke netîceyê bîyaye yê Kerboranî derbazdar o û qerarê newe ra hûmartişê rayan ê Heyetê Weçînayîşî yê Qeza betal kerd.