Yeşîm Oruç

 

MERKEZÊ XEBERAN - Aşma peyêne de 24 cinî û 2 tutî ameyî qetilerdiş, 24 cinî û 2 tutî zî bi hawayêkê şikin dinyaya xo bedelnayî. 

 

Dimayê ke Pêkerdişê Stenbolî ame betalkerdiş, cinî tewr zêde hetê camêrdo ke bi înan reyde ameyê zewecnayîş yenê qetilkerdiş. Polîtîkayê bêcezaverdayîşî yê hukmî beno sebeb ke her roje sûcê neweyî vera cinîyan de bêrê kerdiş. Nê sûcan ra tay çapemenîye de yenê dîyîş la yê ke nînê dîyîş hîna zêde yê. 

 

Goreyê dayeye ke ajansê ma arê kerd, aşma Adare de 24 cinî û 2 tutî ameyî qetilkerdiş, 24 cinî û 2 tutî zî bi hawayêkê şikin dinyaya xo bedelnayî. 

 

Tewr zêde Stenbol de cinî ameyî qetilkerdiş 

 

Kutahya de 1, Anqara de 1, Mugla de 1, Mersîn de 2, Bedlîs de 1, Îzmîr de 1, Edene de 1, Stenbol de 8, Erzirom de 2, Êlih de 1, Kocaeli de 1, Dîlok de 1, Amed de 1 Çanakkale de 1 û Anqara de zî 1 cinî ameya qetilkerdiş. 

 

8 cinî hetê camêrdê ke bi înan reyde ameyî zewecnayîş ameyê qetilkerdiş 

 

8 cinî hetê camêrdê ke bi înan reyde ameyî zewecnayîş, 3 cinî hetê camêrdo ke fek yewbînan ra vera dabî, 1 cinî semedo ke waşta fek camêrdî ra vera bida, 1 hetê camêrdo ke nas kerdêne, 1 cinî hetê camêrdo ke nas nêkerdêne ra, 2 cinî hetê camêrdo ke pîya ciwîyayêne, 1 cinî hetê pîyê xo ra, 2 cinî semedo ke camêrdê ke bi înan reyde zewecnayebî ra fek vera da, 3 cinî hetê tutanê xo ra, 1 cinî hetê birayê xo ra û 1 cinî zî hetê camêrdo ke nêame naskerdiş ra ameye qetilkerdiş.