MÊRDÎN - Hemşaredarê Artukluyî yê DEM Partîye ke weçînayîş de ser kewtibî, dimayê girewtişê mazbatayî dest bi kar kerdî.

 

Hemşaredarê Partîya Têduştîye û Demokrasîyî yê Şaran (DEM Partî) yê Şaredarîya Artukluya Mêrdînî Munevver Olker û Mehmet Ali Amak dimayê ke  mazbatayê xo girewtî, berê şaredarî şarî rê akerdî.

 

Hemşaredarê Artukluyî Mehmet Alî Amak û Mûnevver Olker yê DEM Partî ke ser kewtî û bi seyan kesî bi def û zurne heta awanîya şaredarî rayîr ra şîyî. Girseyê ke Hemşaredarê Bajarê Pîlî yê Mêrdînî Ahmet Turk zî mîyan de verê berê awanîya şaredarî de hetê xebatkaranê şaredarîye ra ameyî pêşwazîkerdiş.

 

Hemşaredare Mûnevver Olker dîyar kerd ke aye seba şaredarîya şarî ameyê û vat, "Ma est ê û çarçewaya temsîliyetê têduştî de ma do xizmetê şarê xo rê bikerê." Hemşaredar Alî Amak zî dîyar kerd ke ê do  bi fehmê paradîgmaya demokratîke, ekolojîk, azadîya cinî xizmet bikerê û vat, "Ma bi na wesîle kesê ke Şaredarîya Artukluyî bi temamî talan kerdî, dizdî kerdî ra vanê, şima do seba nê cewab bidê nê şarî, şima do verê qanûnî de cewab bidê nê şarî."

 

Dimayê eşkerayîye, hemşaredaran dest bi wezîfe kerd.