MERKEZÊ XEBERAN - Tepişteyê sîyasî yê ke bi waştişê azadîya Abdullah Ocalanî û çareserkerdişê problemê kurdî 27ê Teşrîna Peyêne 2023ine ra grevê vêşanîye de bî, bi wesîleya 4ê Nîsane roja rojbîyayîşê Abdullah Ocalanî de çalakîya xo açarnayî qonaxêke newe û xoverdayîşê înan 135 rojî yo dewam keno. 

 

Tepişteyê sîyasî yê zîndanê vakurê Kurdistanî û Tirkîya de çarçewaya kampanyaya mîyanneteweyî ya “Abdullah Ocalanî rê azadî, seba problemê kurdî çareserîya demokratîk” de, 27ê Teşrîna Peyêne 2023ine de dest bi grevê vêşenîya bêdem û dore kerdibî. Tepişteyan dîyar kerdibî ke eke heta 15ê Sibate roja komploya mîyanneteweyî ya hemverê Rayberê PKKyî Abdullah Ocalanî nêrê qebûlkerdiş, do çalakîya xo derbazê qonaxêke newe bikerê. Çalakîya tepişteyan roja xo ya 135ine de qonaxêk newe de dewam kena.

 

Tepişteyan dîyar kerd ke çalakîya xo peynî kenê û wina vatî: “Ma çalakîya xo ya grevê vêşanîye ya dorvegere ke 4ê Nîsana 2024ine ra nata dewam kenê, 4ê Nîsana 2024î de peynî kenê, rojbîyayîşê 75ine ê Rayberê xo, lehengîya kede ya pîle bi heskerdiş û bisoz silam kenê. 4ê Nîsane ke rojbîyayîşê azad a, sere de Rayber Apo şehîdê têkoşînê azadîye, gerîlayê bi fedaî şer kenê, şarê me û şaran rê pîroz kenê. Ma wazenê vajî ke ma do hemleyê xo yê ‘Azadî Rayber Apo rê, çareseriya demokratîk problemê kurdî rê’ 4ê Nîsane û ci reyde bi sloganê 'Cuya bi Rayberê xo reyde heman şertî de' bi boykotkerdişê dadgehe, serdayîşê keye û qiseykerdişê bi telefonê bikerê.