MERKEZÊ XEBERAN - Hemserekê pêroyî yê DEM Partîye Tulay Hatîmogûllari û Tuncer Bakirhan Roşanê Remezanî pîroz kerdî û hêvî kerdî ke roşan bibo wesîleya aştî û azadîye. 

 

Hemserekê Pêroyî yê Partîya Têduştîye û Demokrasîyî yê Şaran (DEM Partî) Tulay Hatîmogûllari û Tuncer Bakirhan bi wesîleya Roşanê Remezanî mesajê pîrozbayî weşan kerdî. Mesajê xo de hemserekan hêvî kerd ke Roşanê Remezanî bibo wesîleya aştîye. 

 

Mesajê Hemserekên Pêroyî yê DEM Partîye wina yo:

 

“Ma Roşanê Remezanî temamê komelê Îslamî rê pîroz kenê, hêvî kenê ke biba wesîleya edalet, azadî, aştî û xêr û berî.

 

Prosesê weçînayîşê şîyaye mojna ma ke şarê Tirkîya êdî cuyêka têduşte û adilane wazeno, şer û pêrodayîş û kedwerîye nêwazeno. 

 

Ma pîya hêvîyê xo pîl kerd. Ma bawer kenê ke paştdayîşê ma do prosesê vernîya ma de tewr xurt vejîyo vernî. 

 

Bi na wesîle ma sipasî pêro şarê xo rê kenê ke hemverê zilm û zordarî de xo ver dayî û têkoşînê demokrasî pîl kerdî û roşanê ma di qat zêde kerdî, ma sipasîya kedkarê partîya xo kenê ke şewe û roj şuxilyayî. Ma sipasîya her kesî kenê ke serê sindoqan de vindertî û îradeyê ma hemine pawitî û pêro dek û dolabî xira kerdî. 

 

Ma Roşanê Remezanî pîroz û bimbarek kenê, hêvî û amancê ma oyo ke têkoşînê aştî û azadîye yê welatê ma û çar hetê dinya de bireso serfîrazî.”