AMED - MKG bi wesîleya Roşanê Remezanî mesajêk pare kerd. MKG mesajê xo de dîyar kerd ke ê hêvî kenê ke Roşanê Remezanî seba heme merdimîye aştî, asayîş û keyfweşî bîyaro û vat: "Ma hêvî kenê ke no roşan bibo wesîleya azadîya çapemenî û heme rojnamegerî bieşkê bi hawayêkê azad mîyanê komelî de karê xo bikerê." 

 

Komeleya Rojnamegerê Cinîyan ê Mezopotamyaye (MKG) bi wesîleya Roşanê Remezanî serê rîpelê xo yê Xî de mesajêk pare kerd. MKG mesajê xo de bale ant serê azadîya fikir û azadîya çapemenîye û vat: "Bi wesîleya nê roşanî ma hêvî kenê ke sere de kedkarê çapemenîye yê zîndanan û her kes roşanêk bi aştî û bi keyfweşî derbaz bikero. Ma hêvî kenê ke Roşanê Remezanî seba dinyaya ma edalet, aştî û asayîş bîyaro." 

 

Dewamê mesajî de wina ame vatiş: 

 

 "Ma sey Komeleya Rojnamegerê Cinîyan ê Mezopotamyaye (MKG) hêvî kenê ke Roşanê Remezanî seba heme merdimîye aştî, aramî û keyfweşî bîyaro. 

 

 Nê rojê taybetî benê sebeb ke paştîdayîş zêde bibo, beno sebeb ke merdim hîna zêde bale bianco serê problemê komelî û nê rojanê taybetan de seba çareserîya probleman hêvî pîl bena. Ma bawer kenê ke no roşan bi taybetî raşteyê azadîya meşrukerdiş û azadîya çapemenîye de do xîretê têkoşînî yê derheqê babetê winasî de hîna zêde bibo. Ma hêvî kenê ke no roşan bibo wesîleya azadîya çapemenî û heme rojnamegerî bieşkê bi hawayêkê azad mîyanê komelî de karê xo bikerê. 

 

Sey cinî ma bi xeylê zehmetîyan, teda û astengîyan reyde rî bi rî manenê. La no qerardarîya ma ya dewamkerdişê falîyetê ma yê meslekî hîna bi hêz keno. Ma hêvî kenê ke Roşanê Remezanî ruhê paştîdayîşî xurt bikero, têkoşînê ma yê azadîya çapemenîye û têkoşînê ma yê têduştîya cînsîyetî hîna xurt bikero. 

 

Ma wazenê binê muhîmîya têkoşînê xo yê sey MKGyî de ma hetê pawitişê heqanê rojnamegeran û hetê azadîya meşrukerdiş û azadîya çapemenîye, xêz bikerê. Ma vera sansur û tedaye de vindertişê xo dewam kenê. Ma do bicaardişê berpirsîyarîya meslekî xo dewam bikerê. Sewbîna ma do meslekê xo bi hawayêkê ercaye dewam bikerê. 

 

Bi wesîleya nê roşanî ma hêvî kenê ke sere de kedkarê çapemenîye yê zîndanan û her kes roşanêk bi aştî û bi keyfweşî derbaz bikero. Ma hêvî kenê ke Roşanê Remezanî seba dinyaya ma edalet, aştî û asayîş bîyaro. 

 

Komeleya Rojnamegerê Cinîyan ê Mezopotamyaye (MKG) "