Hemserekê Pêroyî yê Partîya Têduştîye û Demokrasîyî yê Şaran (DEM Partî) Tulay Hatîmogûllari û Tuncer Bakirhan bi wesîleya Roşanê Remezanî serê hesabê xo yê Xî de mesajê fîrazkerdişî pare kerdî.

 

Mesajê Hemserekanê Pêroyînan wina yo: 

 

“Ma Roşanê Remezanî temamê komelê îslamî pîroz kenê. Hêvî kenê ke bibo wesîleya edalet, azadî, aştî û xêr û berî. Prosesê weçînayîşê şîyaye, mojna ke şarê Tirkîya êdî cuyêka têduştî û adilane wazeno, şer û pêrodayîş û kedwerdişî nêwazeno. 

 

Ma pîya hêvîyê xo pîl kerd. Ma bawer kenê ke paştdayîş û pîyabîyayîşê ma do prosesê vernîya ma de tewr xurt vejîyo vernî. 

 

Bi na wesîle ma sipasîya pêro şarê xo kenê ke hemverê zilm û zordarî de xo ver da û têkoşînê demokrasî pîl bikerê û roşanê ma di qat zêde kerdî; ma sipasîya kedkarê partîya xo kenê ke bi şewe û roje şuxilyayî, ma sipasîya her kesî kenê ke serê sindoqan de vindertî û îradeyê ma pêrûne pawitî û pêro dek û dolaban xira kerdî. 

 

Ma Roşanê Remezanî pîroz û bimbarek kenê, hêvî û amancê ma oyo ke têkoşînê aştî û azadîye yê welatê ma û çar hetê dinya bireso serfirazî.”