AMED - Bi serkêşîya Tîyatroyê Bajarî yê Amedî 9ine Festîvala Tîyatroyê Amedî bi sloganê “Bi HEBÛNa xwe, bi XWEBÛNa xwe” yeno organîzekerdiş. Festîvale 18ê Nîsane de dest pêkena.

 

9ine Festîvala Tîyatroyê Amedî ke bi serkêşîya Tîyatroyê Bajarî yê Amedî de yena organîzekerdiş, 18ê Nîsane de dest pêkena. Festîvala ke do bi sloganê “Bi HEBÛNa xwe, bi XWEBÛNa xwe” bêro organîzekerdiş.

 

Mabêne 18 û 27ê Nîsane de do bi kaykerdişê 19 kayê bi 2 ziwanan vejîyo vera heskerdoxanê tîyatroyî. Sewbîna do bi dîwanî zî rewşa tîyatroyê kurdî yê 3 hetê Kurdistanî û dîasporayî û seba averşîyayîşê tîyatroyê kurdî munaqeşe bêrê kerdiş. Do 18ê Nîsane de Qesra (Konak) Îskender Paşa bi bernameyê akerdişê festîvale dest pêbikero û do 27ê nîsane de zî Çand Mayî de dîwan bibo, Merkezê Kongreya ÇandAmed û Eywana Tîyatroyê Bajarê Amedî de zî kayî bêrê kaykerdiş. Sewbîna kayê tewr peyîn yê festîvale Gomîdas ke qalê cuya armenîyêke keno, do  Dêrê Armanî yê Surp Giragos de bêro kaykerdiş û festîvale do bi nê kayî peynî bibo.

 

Do festîvala ke komê tîyatroyî yê bajarê Kerkûk, Duhok, Urmiye û Seqizî yê Kurdistanî zî do vejîyê serê sehne. 19 kayê ke do bêrê kaykerdiş, 5ê înan do bi tirkî û 14ê înan zî bi kurdî bê. Festîvale, dimayê bernameyê akerdişî do bi performansê komê tîyatroyî yê Yenî Sahne û Şermola Performansî dest pêbikero. Do festîvale de kayê Buka Lekî (Şermola Performans), Afet Île Dîana (BGST), Salma (Koma Hawar), Derwêş yan Gudû (Duhok), Efsaneya Hespên Azad (Ûrmiye), Kabîl û Habîl (Koma Rîtûel), Odip (Koma Ronya-Seqiz), Kral û Travîs (ŞanoAr), Çînûr (Teatra Ba), Zîd û Han (Dubare Kumpanya), Mirina Jeanne D’arce ya din (Tîyatroyê Bajarî yê Amedî), Ceyran (Teatroger), Strip-Tease (Dimilki- Tîyatroyê Bajarî yê Amedî), Kalabalik Tiyatrosû (Fiziksel Tiyatro Araştirmalari), Bernarda (Tiyatro Proje No2), Înfaz (Şaneşin Performans), Otopsî (Golge Tiyatro Toplûlûgû), Gomîdas (Yolcû Tiyatro) bêrê kaykerdiş.