MERKEZÊ XEBERAN - Paştdayîşê Morî dîyar kerd ke 2 cinîyê ke Zîndanê Cinîyan ê Şakranî de yenê tepiştiş, rastê tehdîdê “îşkenceyê” gardîyanan ameyê. 

 

Hemverê nêdayîşê mazbatayê Hemşaredaranê Bajarê Girdî yê Wanî de xeylêk bajaran de çalakîyê nêrazîbîyayîşî ameyî organîzekerdiş. Ame dîyarkerdiş ke cinîyê 2yê nîsane de Îzmîr de dimayê destbendkerdişî ameyê tepiştiş, rastê tehdîdê îşkenceyî ameyê. 

 

Paştdayîşê Morî serê hesabê xo yê medyaya dîjîtale de dîyar kerd ke Sedanur Ugur û Sîbel Orkmez rastê tehdîdê “Îşkenceyî” ameyê. Sewbîna ame vatiş ke cinîyê tepişteyî, bi tepişteyanê edlî reyde yenê tepiştiş. 

 

Eşkerayîye de wina ame vatiş: “Goreyê agahîyê avûkatan dayê, cinîyê tepişteyî rastê nê vatişê tehdîdî ameyî, ‘Eke şima tepişteyanê sîyasî reyde bimanê şima do tîya ra qet nêvejîyê. Eke şima problem vejê, ma do şima bişirawê verê tecawizkaran.’ Sewbîna tehdîdê tecawizî bi sûcê kînî ameyo paştrastkerdiş.