MERKEZÊ XEBERAN - TJK-Eyî Çarşema Sor pîroz kerd, bale ant serê planê qirkerdişî û pawitişê xoserî yê kurdê êzidîjan silam kerd.

 

TJK-Eyî bi wesîleya Roşanê Çarşema Sor ê kurdê êzidîjan de, mesajêk weşêna. Mesajê Çarşema Sor de wina ame vatiş: “Şarê êzidî ke 78 fermanî serê înan de ameyo, temamê tarîxî de îqtîdaran waşto ke asîmîle bikero, bawerîya ci qut bikero û cayê ke ciwîyenê ra sirgûn bikero. Serra 2014ine de bi hêrîşê DAÎŞî, qirkerdişêk pîl virazîya û xeylêk cinî ameyî remnayîş û vînîkerdiş. Şar herra xo nêterikna, bi paştdayîşê Têgêrayîşş Azadîye zî pawitişê xo yê xoser kerd û zorê çeteyan berd.”

 

Mesaj de nê çî zî ameyî dîyarkerdiş:

 

“Dewleta tirkan a faşîste bi konseptê îmha û înkarî nêzdîyê şarê kurdî bena û her rey PDKyî zî dana kîşta xo û wazena planê xo yê qirkerdişê pê bîyara. Nê qirkerdişê hemverê şarê êzidî zî netîceyêk nê polîtîkayan ê. Şarê êzidî rayîr nêda nê tedayan, pawitişê xo yê xoserî laver berd, bîyayîş û bawerî pawit û rêxistinbîyayîşê xo yê xoserî awan kerd.