MERKEZÊ XEBERAN - Ekîbê Serekîya Dayîreyê Pawitişe Dormeleyî û Kontrolkerdişî yê Şaredarîya Bajarê Girdî ya Amedî, dormeleyê Çemê Dîcle eşteyan ra kerd pak. 

 

Ekîbê Serekîya Dayîreyê Pawitişe Dormeleyî û Kontrolkerdişî yê Şaredarîya Bajarê Girdî ya Amedî, semedo ke wa vernîgirewtişê leyminbîyayişê xoza ya dormeleyê Çemê Dîcle dest bi xebatan kerd.Ekîbê Midurîya Pakîye dormeleyê Çemê Dîcle yo ke pirda rayîrê Farqînî ser o dest pê keno heta derge Baxçeyê Hewselî beno de xebata pakîye viraşt. 

 

Ganî her kes berpirsîyarîyê xo bîyaro ca

 

Ekîbê şaredarî, çop û eşteyê ke erzîyabi nata-weta Çemê Dîcle ard pêser û verê leyminbîyayişê tebîetê çeme girewt. 

 

Hemwelatîyan gama ke seyran kenî semedo ke wa flora û faunayê xoza zerar mevînê, gereke eşte û çopanê xo bierzê konteyner û qutîyê çopan, semedê dormeleyêko hîna pak ganî herkes berpirsîyarîyê xo bîyarê ca. 

 

Gendelîya taxa Mezopotamya wedarîya 

 

Heto bîn ra ekîbê şaredarî, taxa Mezopotamya de ware ke xerfîyat û awa şilîye ver açarîya bi sey goleke de xebate viraşt. Goleke ke bi taybetî zî semedê gedeyan tehlukeyin o bi makînayê karî wedarîya û xerfîyatî zî neqlê warê rokerdişê xerfîyatî kerd.