MERKEZÊ XEBERAN - Sîba Şêx Xidir ê Şengalî de dimayê dûzkerdişû rayîrî, karkeran gorêk bîn ê komî dîyî. Heta nika nîno zanayîş ke esteyê çend kesan ê gorê komî de est ê.

 

3yê Tebaxa 2014ine de çeteyê DAIŞî qirkerdişêk pîl Şengal de kerdî û bi desan gorê komî pey xo de verdayî. Hema zî çarenûsê bi hezaran êzidîjan dîyar nîyo.

 

Dimayê zêdebîyayîşê agêrayîşê Şengalî, hukmatê Iraqî zî dest bi viraştişê rayîrê herême kerd.

 

Ewro Komelgehê Sîba Şêx Xidir ê başûrê koyê Şengalî de rayîr ameyîne sererastkerdiş. Karkerê ke rayîr viraştêne, gorêke bi komî vînayî. Nîno zanayîş ke esteyê çend kesan ê gorî de est ê.

 

Bi nê rengî hûmara gorê komî yê Şengalî bî 93 ke bi desan kesî nê goran de ameyê nimitiş. Heta nika tenê 55 gorê komî ameyê akerdiş ke 38 gorî zî hema mendê.