Rabîa Onver

 

COLEMÊRG - Hemşaredara Geverî Şadîye Kirmizigule da zanayîş ke do şaredarîya ke qeyûman bi deyn û texrîbatan verdayo bi şarî reyde rayîr ra berê û seba înan çiyo ewil projeyê cinî û ciwanan o. 

 

Partîya Têduştîye û Demokrasîyî yê Şaran (DEM Partî’ weçînayîşê 31ê Adare de Geverê Colemêrgî de se ra 78.75ê rayan girewt. 

 

Hamşaredarê Geverî Şadîye Kirmizigul û Şoreş Dirî 4ê Nîsane de mazbata girewtî û dest bi wezîfe kerdî. Hemşaredaran dîyar kerd ke deynê bîyaye yê şaredarîye 988 mîlyon û 70 hezar o. Hemşaredara Geverî Şadîye Kirmizgule derheqê texrîbatê qeyûmî û do rayîrêk senî biweçînê de qisey kerd.

 

7 endamê cinî yê meclîsê DEM Partîye est ê 

 

Şadîye da zanayîş ke weçînayîşêk tarîxî derbaz kerdê û vat: “Ma bi peymeyêk pîl serkewtiş bi dest vist. Se ra 80ê hemwelatijê Geverî şîyê serê sindoqan. Bê ke encumenêke AKPyî bibo ma 25 kesî şaredarîya xo girewt. 25 encumenî ra 7 hebî zî cinî yê.”

 

‘Ganî cinî rolêk aktîf kay bikera’ 

 

Şadîye wina dewam kerd: “Cinî aştî, azadî û demokrasîyî de rolêk muhîm kay kena. Vera zîhnîyetê 8 serrî yê camêrdî de cinîyan destkewtişê xo zêde kerd. Cinî do îmkan û xebatê şaredarîye baldar bê. Do cinî bi awankerdişê sîstemêk newî xebatêke aktîf de rol bigîra. Xizmetê seba şarî de do serkêşîye yê cinîye biba.” 

 

‘Nameyê xizmetê bîyaye la îcrat çin o’ 

 

Şadîye bale ant serê deynê şaredarîye û wina dewam kerd: “Ma şîyê şaredarîye deynêke pîl est bî. Netîceyê cigêrayîşan de ma tespît kerd. La hemverê deynî de kaseya şaredarîye de 559 hezar û 664 TL est bî. Vera bi katrîyonan pere ameyo xerckerdiş, şarî rê xizmet nêameyo kerdiş. Nameyê zîmetê bîyaye la îcrat çin o.”

 

‘Seba ma ewil cinî û ciwan ê’ 

 

Şadîye qiseykerdişê xo yê peyênan de wina vat: “Seba cinî, ciwan û tutan çi hewce bo ma do bikerê. Yewine derdê ma cinî û ciwan ê. Ma do projeyê xo seba cinî û ciwanan bikerê cuye. Ma do kitabxaneyan akerê, ma do kreşan awan bikerê. Dimayê 2016î bi tîryakî ciwanan qedênayê. Tîya ra tepîya ma do bi dezgehê ferz reyde vernîya nê çîyî bigîrê. Seba şarî çi hewce bikero ma amade yê. Ma do kursê kurdî akerê. Ma do xîret bikerê ercayeyê şarê xo bê.”