MERKEZÊ XEBERAN - Herêma Metîna ya başûrê Kurdistanî bi rojan o bi hawayêkê xidar yena bombavarankerdiş. 

 

Vernîya serdayîşê serekkomarê AKPyî Tayyîp Erdogan ê Bexda û Hewlêrî, hemverê herêma Metîna ya Herêma Federe ya Kurdistanî hêrişêk hîra ame destpêkerdiş. Goreyê xebera ANFyî; hêriş şewa 16ê nîsane de dest pêkerd. Herêma dewanê Asê, Yekmalê, Xirabê, Xankê û Şêlazê yên Metînayê bi xidarî yenê bombavarankerdiş. 

 

Şewê 17, 18 û 19ê nîsane de zî wareyê Girê Çarçel û Girê Ortê bi helîkopter û teyareyê şerî ameyî bombavarankerdiş. Sewbîna şewa 19ê nîsane de pêlê hêrişî wareyê Şêlazî ver bi wareyê Dergele ra ame hîrakerdiş. 

 

Ame neqlkerdiş ke hêrişî wareyê Girê Hekarî, Girê Çarçel, Girê Şehîd Çekdar, Girê Şehîd Piling, Girê Ortê, Asê, Yekmalê, Xirabê, Xankê, Şêlazê û Dergelî dewam kenê.