Mîdye Miqted

 

HELEB - Cinîyê taxa Şêxmeqsûdî yê bajarê Helebî hêrişê dewleta tirkan û PDKyî şermezar kerdî û vatî: "Hêzê ma yê têkoşînî est o û ma do xover bidê." 

 

Dewleta tirkan bi hemkarîya PDKyî başûrê Kurdistanî de polîtîkayê tedaye dewam kena. Reaksîyonê hemverê sîyaseto ke herême de yeno rayîr ra berdiş û hêrişê ke yenê kerdiş dewam kenê. 

 

 'Ma şarî ra hêz gênê’ 

 

Endama Kongra Starî ya bajarê Helebî Mewlîde Sîdoye dîyar kerd ke bi hemkarîya PDKyî hêriş yenê kerdiş û vat: "Ma nê hêrişê ke serê herêma Metîna de yenê kerdiş şermezar kenê û ewro dewleta tirkan û PDKyî bi hemkarîya xo hêrişê şervananê ma kenê. wazenê biratîya şaran bixerepnê. No zî îxanetê tewr pîl o ke derheqê Kurdistanî de yeno kerdiş. La ewro şervanê ma yê ke serê koyan de şer kenê hêzê xo şarî ra gênê. Şar zî hêzê xo şervanan ra gêno. Heta ke dalpeyêk gonîya ma laşê ma bibo ma do fek şervananê xo ra vera nêdê.”

 

 'Ma bi şervananê xo hêzdar benê' 

 

Endama Kongra Starî Fatme Horoye hêrişê ke pê yenê şermezar kerd û wina dest bi qiseykerdişê xo kerd: "Ma bi şîdet hêrişê dewleta tirkan ya îşxalkerdoxe yê serê şervananê azadîya Kurdistanî şermezar kenê. Hêrişê ke pê yenê nêeşkenê îradeyê ma bişikinê. Ma timî kişta şervananê xo de yê û bi înan ma hêzdar benê." 

 

'Ma her tim serê payan de yê' 

 

Endama Kongra Starî Zeyneb Reşîde zî bale ant serê îxanetê PDKyî û vat: "Ma hêrişê PDKyî yê serê şervananê azadîya Kurdistanî şermezar kenê. Ewro bîyayîşê ma bi bîyayîşê şervananê ma meşru beno. Qey ewro PDK bi kurdî veng keno. La wayîrê kurdîtîya xo nêvejîyeno. Ewro bi heme hêzê xo hêrişê şervananê ma keno. Wa baş bizanê ke şervanê ma her tim serê payan de yê. Hemverê hêrişê dewleta tirkan de bê îrade û hêz nêbenê û ma zî timî do raşteyan de bê û paştîdayîşê şervananê xo bikerê."