AMED - Veradayîşê muxabîra ma Derya Rena ke Zîndanê Cinîyan ê Amedî yê Girewteyî de tepişte ya bi bahaneya cezaya dîsîplînî 3 mengî ame taloqkerdene.

 

Muxabîra ajansê ma Derya Rene çarçewa tehqîqatêkê ke merkezê ci Anqara bî de 25ê teşrîna verêna 2022yî de sereştişê keyeyan de ameye destbendkerdene û badê kê dosyaya ci ameye tesdîqkerdene tepişîyaye. Veradayîşê Derya bi bahaneya cezaya dîsîplînî 3 mengî ame taloqkerdene. Mehkemeya Cezaya Giran a 6. a Riha bi sucdarkerdişê “rêxistine rê hişmendane û bi waştişî hetkarîye kerdene” cezaya 3 serran 13 mengan 15 rojan dabî Derya. Badê ke na ceza serra 2022yî de bi destê Mehkeme Berze ya Temyîzî tesdîq bîye, Derya seba veradîyayîşê şertinî 31ê tebaxa 2023yî de Dadgerîya Înfazî ya 1. a Amedî rê waştişname erşawit. Dadgerîye 17 teşrîna verêne de talebê Derya bi bahaneya nêvurîyayîşê koxuşe red kerd

 

Hewteyê vîyarte de serbestveradayîşê Derya hetê Heyetê Taqîbkerdişê Îdarî yê Zîndanî ra ame taloqkerdene.