MERKEZÊ XEBERAN - TAJÊ hêrişê Şingalî ser o mektûbêke hukmatê Iraqî, Neteweyê Yewbîyaye û Yewîya Ewropayî rê şirawit û venga hêzê pêwendîdar kerd ke wareyê hewayî teyareyê şerî yê dewleta tirkan rê padê.

 

TAJÊ rewşa peyîn yê hewayî yê Şingalê ser û hêrişê dewleta tirkan yê Şingalî ser o, semedê Serekwezîrê Iraqî Mihemed Şiya Sudanî, CPT, Neteweyê Yewbîyaye û Yewîya Ewropa şirawit.

 

Têgêrayîşê Azadîya Cinîyanê Êzidîyan (TAJÊ) derheqê hêrişê dewleta tirkan ê Şingalî ser o mektûbêke semedê Serekwezîrê Iraqî Mihemed Şiya Sudanî, CPT, Neteweyê Yewbîyaye û Yewîya Ewropayî rê şirawit. Mektûbe de hêrişê dewleta tirkan ame şermezarkerdiş û ame zanayîş ke pawitiş heqêq meşrû yo û no hêriş dewamê fermanî yo.

 

Eynî wextî de dewamê mektûbî de amancê hêrişê cimeatê êzidî ser o ameyî ercnayîş û ame vatiş ke cimeatê êzidî bawerîya xo bi tu hêzî nêano, tenê êzidî eşkenê xo û bawerîya xo bipawê.