ŞIRNEX - Do çemê Hêzilo ke qezaya Qilebanî ra derbaz beno, malîyetê HESî 810 milyon lîra bêro viraştiş. Verê zî çemê Hêzilî rê ser o 2 HESê bînî zî amebî viraştiş. 

 

Cografyaya Şirnexî de texrîbatê ekolojîkî bi her hawayî dewam keno. Koyê Cûdî, Gabar û Katoyî û Herêma Bestayî de 4 serrî yo xoza bêmabên yena texrîbkerdiş. Cigêrayîşê petrolî û madenan, ocaxê qûmî, projeyê HESî û birnayîşê bi hezaran daran cografya bênefes verdayo. Qezaya Qilebanî ke pêwa dewan, nifûsê ci 44 hezar û 924 o û heta nika zêdeyêrê 10 awbendî viraştê û nê dewanê Hîlal, Ziravik, Nêrweh, Bilih, Kiror û Roboskî ra derbaz benê. 

 

Viraştişê proje dîyar nîyo

 

Şîrketê enerjî tewr peyîn çim kerdî Herêma Heftborî ya çemê Hêzilî ke serre de bi hezaran kesî yenê gêrenê, pîknîk kenê. Herêma Heftborî ya girêdayeyê bajarokê Sêgirkî ya Qilebanê Şirnexî bi xozaya xo ya bedew yena naskerdiş. Do şîrketê Enerjî yê Kaizen herêma Heftboriyê Santralê Hîdloelektrîkê (HES) ê bi hêzê 33,247 MW virazno. Yeno vatiş do no santral bi 810 milyon TL bêro viraştiş. Yeno îdiakerdiş ke Şaredarê Sêgirkî Alîhan Babat ke weçînayîşê 31ê Adare de Partîya Yenîden Refahî ra ame weçînayîş û keyeyê ey îhaleyê HESî girewto. Nêame zanayîş ke do key dest bi viraştişê proje bêro kerdiş. 

 

Verê zî çemê Hêzilî ser o awbendê Silopiya û HES û HESê bi nameyê Koma Enerjî ya Silopîya amebî viraştiş.