Rozerîn Gultekîn

 

STENBOL - Endama TJK-Eyî Kezban Dogan derheqê rayîrşîyayîş û mîtîngê Kolnî de çarçewaya kampanyaya "Abdullah Ocalanî rê azadî meseleya kurdî rê çareserîya sîyasî" qisey kerd û vat, kampanyaye sewîyeya hîrêne derbaz kerd û wina vat: “Mîtîng de erd û asmên bi sloganê ‘Bijî serok Apo’ lerza.”

 

Semedê çareserîya meseleya kurdî û azadîya fîzîkî ya Rayberê PKKyî Abdullah Ocalanî kampanyaya "Abdullah Ocalan rê azadî meseleya kurdî rê çareserîya sîyasî" amebî destpêkerdiş û dewam kena. Çarçewaya kampanyaye de 16ê teşrîna peyêne Kolnê Almanyayî de tewrbîyayîşê sehezaran kesî mîtîng ame organîzekerdiş. 

 

Endama Têgêrayîşê Cinîyanê Kurdan ê Ewropayî (TJK-E) Kezban Dogan derheqê kampanyaya ke derbazê sewîyeya hîrêne bîya, ercnayîş kerd.

 

‘Erd û asmên lerza’

 

Kezban Dogan wina bale ant serê rayîrşîyayîşî: “10ê teşrîna verêne 2023ine de çarçewaya ‘Abdullah Ocalanî rê azadî, Kurdistanî rê statuyê sîyasî’ ame destpêkerdiş. Sewîyeya yewin ê hamleyê 17ê Sibate de Koln de bi rayîrşîyayîş û mîtîngêk pîl netîce bî. Sewîyeya diyîn zî 16ê teşrîna peyêne de bi rayîrşîyayîş û mîtîng fînalê xo kerd. Goreyê 17ê Sibate tewrbîyayîş zêdeyêr bî. Mîtîng de bi mesajê dostê kurdan vejîya werte ke Abdullah Ocalan tena rayberê şarê kurdî nîyo ê dinya yo.”

 

Cayê çalakî çira Almanya yo

 

Kezban Dogan wina vat: “Koln yew merkezê ma yê dîasporayî yo, têkoşînê xelasîya ma yo. Têgêrayîşê kulturî ‘Hunerkom’ Koln de ame awankerdiş. Yewin Têgêrayîşê Cinîyan ê Kurdistanî YCWK Almanya de ame awankerdiş. La wexto ke ma ewnîyenê Almanya badê Îngîlîstanî welat de tewr zêde Tirkîya dir têgêrena û rolê ci yê qirkerdişê kurdan ser de zaf zêde yo.”

 

Hamle derbazê sewîyeya hîrêne bî

 

Kezban Dogan dewam de wina vat: “Kampanya sewîyeya diyîn de bi mektubê ke konseyê Ewropayî rê dewleta tirkan û CPT rê ameyî şirawitiş, resa hedefê xo û unîversal bî. Sewîyeya hîrêne de hedefê ma oyo ke azadîya fîzîkî ya serekî pê biro. Ma wazenê xeleka zincîrê azadîye yê dorê Rayber Apo hîra bikerê û pêro dinya rê vila bikerê.”

 

Kampanyaya Tîrêjên Rojê dewam kena

 

Kezban Dogan qalê kampanyaya ‘Tîrêjên Rojê’ zî kerd û vat: “Ma bi kampanyaye wazenê ke fikrê Abdullah Ocalanî şarê dinya rê vila bikerê. Çalakîyê hemleyî rê ancî cinî serkêşî kenê. Ma kampanyaya namzeyan da destpêkerdiş. Ma ber bi ber gêrayî. Ma fesefeya Rayber Apo qal kerd. Amancê ma oyo her kes xo biresno na felsefe.