AMED - Ma Musîcî semedê kitabê “Repertuara Stranbêjiyê” biresno tutan, kampanyaya “Milyonêke kitab, milyonêke tutî” da destpêkerdiş.

 

Akademîya Ma Musîcî ke Amed de xebatanê xo dewam keno, semedê kitabê "Repertuara Stranbêjiyê" ke semedê perwerdeyê muzîkî yê tutan çap kerdebî, pêro tutan rê biresnê kampanyayêke da destpêkerdiş. Ma Music kampanyaya "Milyonêke kitab, milyonêke tutî” da destpêkerdiş.

 

Sînevîzyono ke derheqê kampanyaye de ame parekerdiş de wina ame vatiş, "Semedê tutê welatî bi deyîranê kurdî pîl bibê, ma dest bi na kampanyaye kerd. Ma venga pêro beşê komelî kenê û vanê; şima kitaban bigîrê, ma teslîmê tutan kenê."

 

Semedê kesê ke wazenê xo biresnê kitab, hûmara telefonî: 0549 108 15 15