Şehrîban Aslan

 

AMED - Hunermend Julîde Kural ku şahidiya dema dîrokî kir wiha got: “Niha dema berxwedanek nû ye. Ev berxwedan ji bo hemû civaka sivîl, hêzên sosyalîst û demokratîk, jin û ciwanan ji bo vî welatî , ji bo aştî û demokrasiyê wê baş be. Ji bo ev derfet bê bikaranîn em ê kedê bidin û netirsin.”

 

Li ser banga Rêberê Gelê kurd Abdullah Ocalan a 9’ê cotmehê de Koma Aştî û Civaka Demokratîk di 11’ê Tîrmehê li bejahiya Silêmaniyê  li herêma Şikefta Casenê merasîma şewitandina çekan pêk anîn. Bandora merasîmê hîna didome. Koma ku ji siyasetmedar, nûnerên rêxistinên civaka sivîl, rojnameger û hunermendan pêk dihat şahidiya merasîma dîrokî kirin. Yek ji van hunermend û aktîvîsta Aştiyê Julîde Kural bû.

 

‘Kelecan û mereqek mezin hebû’

 

Julîde Kural da zanîn ku dema çûne bi kelecan û hêviyek mezin çûne û wiha got: “Em bi kelecan çûn wir. Wê çi em pêşwazî bikira, em ê di pêvajoyek çawa de bin û bandorek çawa bibe de bûn. Me ev yek nizanîbû. Lê ez jî di nav de em bi kelecanek mezin çûn wir. Nav me de kesên cuda difikirin jî hebûn. Bi giştî mereq û kelecanek mezin hebû.”

 

‘Du jiyanên cuda hatin gel hev’

 

Julîde Kural di berdewamiyê de wiha vegot: “Me pêşwazî bi kelecanek mezin payî. Gelek bi bandor bû. Rastiyek hebû; du jiyanên cuda hatin gel hev. Ev 50 sal bû bedelên giran hatibûn dayîn. Rêxistineke ku bedelên giran daye û bi wêrekî li berxwe daye. Ev hevdîtin hevdîtina du jiyanên cuda bûn. Ez gelek bi bandor bûm. Belê rêxistinek wisa bû ku hatinek wan ya bi heybet hebû. Di serî de jineke wek Besê Hozat nûneriya wê dikir. Ev ji bo me jinan kelecanek mezin bû. Sekna bi rûmet a dîrokî bi me dan hîskirin.”

 

‘Berpirsyariyek giran dan ser me’

 

Julîde Kural daxuyakirin ku ji bo dayikan wateyek pir cuda hebû û wiha bi lêv kir: “Hesteke pir bi nirx hat afirîn. Em hemû bêdeng bûn û me ew atmosfera bi rûmet a bi heybet dît. Evqas bêdeng, bixwe bawer û dizanibûn ku çi dikin. Metneke pir jî baş hebû. Ya Tirkî Besê Hozat xwend. Ya Kurdî jî hat xwendin. Biryareke li ser baş hatiye fikirîn û xurt hebû, piştgiriya ji bo hemû nasnameyan hebûn. Piştî xwendina metnê çek hatin şewitandin. Danîna çekan, rêza wan, sekna wan, hawireke ku li alî aştiyê hebû. Em hemû bi bandor kirin. Ji ber çek tişta herî girîng a gerîla ne. Danîna çekan tiştekî tazîbûnê ye. Li alî aştiyê helwest girtin ev tazîbûn li ber çavan girtine. Ev bi ser xistin.Hêviya me zêde bû û me got wê bibe. Metnê berpirsyariyek girîng da ser milê me.”

 

Julîde Kural destnîşan kir ku ew wek hunermendekê li wir bû û wiha vegot: “Wê demê tiştek hat bîra me. Ji bo aştiyê ji bo piştgiriyê helbestên ji bo aştiyê hat bîra min. Li cîhanê aştî pir kêm e ji ber vê her tim berê şer helbest tên nivîsîn. Çend heval hatin bîra min û min got em xebatek wisa bimeşînin. Em dikarin beramberiya aştiyê bi helbest, lîstik, fîlm û muzîkê bikin. Em dikarin di hesta muzîkekê de aştiyê bidin hîskirin.”

 

‘Ez ê bi mirovan re bêm gel hev’

 

Julîde Kural bi lêv kir ku aştî ji têkoşîna demokrasî û jinê serbixwe nîne û ev nirxandin kir: “Bedela tundiyê ya herî giran jin û zarok didin. Ez ê bi mirovan re bêm gel hev. Ez niha amadekariya vê dikim. Min civîn pêşniyarê hevalên xwe kir.  Hêza hunerê dikare bandorek mezin bike.”

 

Balkişandin ser rewşa girtiyên nexweş û siyasî

 

Julîde Kural wiha dirêjî dayê: “Ez parêzvana mafê mirova me. Demek dirêj e em dibêjin divê girtiyên nexweş bên berdan.Ev mafê mirovan e divê girtiyên nexweş bên berdan.  Ji ber sedemên siyasî girtîne. Ji bo aştiyê divê ev girtî bên berdan. Niha dema berxwedanek nû ye. Ev berxwedan ji bo hemû civaka sivîl, hêzên sosyalîst û demokratîk, jin û ciwanan ji bo vî welatî , ji bo aştî û demokrasiyê wê baş be. Ji bo ev derfet bê bikaranîn em ê kedê bidin û netirsin.”