AMED - Siyasetmedarên HDP û DBP’yî, ji bo girtiyên siyasî kartên sersalê şandin. Partiyên xwestin daxuyanî bidin rastî astengiya polîsan hatin.  

 

Bi pêşengtiya endam û rêveberên Partiya Demokratîk a Gelan (HDP) û Partiya Herêmên Demokratîk (DBP) yên Amedê, ji bo girtiyên siyasî kartên sersalê hatin  şandin. Endamên partiyan û Hevserokên HDP’ê yên Amedê M.Şerîf Camci û Fîlîz Buluttekîn, hevseroka DBP’ê ya Amedê Ruken Akça jî heyî li ber PTT’a Yenîşehîra Amedê  kom bûn û ji girtiyan re kartên sersalê şandin.    

 

Endamên partiyan berî kartan bişînin xwestin daxuyaniyê bidin, lê polîsan destûr nedan û nîqaş derket. Di nîqaşa derket de Hevseroka DBP’ê ya Amedê Ruken Akça bertek nîşanî polîsan da û wiha  got: “Di salên 80’iyê de jî me ev rewş dît û jiya. Îro ji salên 80’iyan zêdetir rewşeke xerab heye. Em ê bi tu awayî vê rewşê qebûl nekin. Em van helwestan şermezar dikin.”