ANQARA - Kesê ke “Rayîrşîyayîşê Rêzgirewtişê Îradeyî” ke DEM Partî dabî destpêkerdiş de ca girewtî, Anqara ra ver bi Edeneyî kewtî rayîr.

 

“Rayîrşîyayîşê Rêzgirewtişê Îradeyî” ke Partîya Têduştî û Demokrasî  (DEM Partî) hemverê tayînkerdişê qeyûman ê Şaredarîya Colemêrgî Stenbol û Îzmîr ra dabî destpêkerdiş, vizêr resa Anqara. Rayîrwanî ewro ver bi Edene ra kewtî rayîr. 

 

Parlamenterê Îdirî yê DEM Partî Yilmaz Hûn, dîyar kerd ke do îradeyê şarî bipawê û wina vat: “Seke ke şima zî zanê ipotek dayî serê îradeyê şarî.” Yilmazî, dîyar kerd ke desteserkerdişê îradeyê ewro bîyo “qeyûm” û wina vat: “Ma do bi şarê kurdî û dostê xo reyde hemverê nê desteserkerdişê îradeyî heta peynî xo ver bidê.”

 

Dimayê qiseykerdişî rayîrwanî kewtî rayîr.