![](/staticfiles/news/237078/2024/07/05/823x463cc-mrz-05-07-24-alabora-olan-teknede-multeciler.jpg)
Kurneya koçberan qelibya 89 kesî dinyaya xo bedelnayî
- 15:10 5 Temmuze 2024
- NAROJANE
MERKEZÊ XEBERAN - Goreyê agahîyê destpêkî kurneya koçberan ê qeraxê Morîtanyayî de qelibya awe û 89 kesan dinyaya xo bedelnayî.
Ajansê fermî yê Morîtanyayî û selahîyetdarê hukmatî neql kerdî ke kurneya qeraxê Morîtanyayî de binaw bî, 89 koçberî dinyaya xo bedelnayî û bi desan kesî zî vînî bîyî. Goreyê Ajansê Xeberan ê Morîtanyayî wina ame vatiş: “Asayîşê qeraxî yê Morîtanyayî, kurneyêke pîl a masegêran ê adetî ke 1ê temmuze de awe rê qelibyaya, cenazeyê 89 kesan vînayî. Hedîse 4 kîlometre dûrî bajarê Ndiago de virazîya.”
Koçberî hewl dayîne ke serê Atlantîkî ra xo biresnê Kanaryayî ke berê serê komegirawê Îspanyol û Ewropayî de abeno yo.