Rabîa Onver

 

COLEMÊRG - Endama Koma Cinîyan ê Femînîst Eftelya Koyucu şaredarîya Geverî zîyaret kerd û vat: “Hemverê sîyasetê qeyûmî ma sey femînîst wazenê têkoşîn cinîyanê kurdan reyde xeta têkoşînê hempar bimûnê.”

 

Koma Cinîyan ê Femînîst semedê pêvînayîş bikerê ameyî Kurdistan û hewteyê vîyarte şîyî serdayîşê şaredariyê Amed û Êlihî. Cinîyê femînîst ke hemverê polîtîkayê qeyûmî şarê Kurdistanî reyde çalakîyê paştdayîşî dewam kenê, na çarçewa de şîyî serdayîşê şaredarîya Geverî û hemşaredara Colemêrgî Viyan Tekçe û endamê meclîsê şaredarî.

 

Serê nameyê Koma Cinîyan ê femînîste Eftelya Koyuncu ke Gever û Colemêrgî de serdayîş kerd, qisey kerd.

 

Îradeya gelê Kurd nehat nasîn

 

Eftelya qalê serdayîşê xo kerd û wina vat: “Kurdistan de ma qeyûman ra xilas bîyî û ma wayîrê şaredarîyanê xo vejîyayî. Ma ancî bi îradeyê xo şaredarîyê xo qezenc kerd. Pêwa nê qeyûman senî şaredarî girewtî, hêrişê destkewtişê cinîyan kerdî. Nika no îqtîdar semedê weçînayîşê herêmî bigîro ancî qeyûman tayîn keno û îradeyê şarê kurdî nas nêkeno. Bi qeyûmî ke tayînê şaredarîya Colemêrgî ameyê kerdiş, ma nê vînenê.”

 

‘Ma wazenê xeta hempar ê têkoşînî bimûnê’

 

Eftelya vat, sey cinîyê femînîstî wazenê têgêrayîşê kurdan reyde xeta têkoşînê hempar bimûnê û wina vat: “Sîyasetê qeyûmî hêrişê destkewtişê cinîyan kenê. Wexto ke qeyûm ameyî, ma dî ke senîn hêrişê heqê cinîyan kerdî. Bi taybetî komele, stargeh û tedbîrê hemverê şîdetê ser cinî, semedê ma zaf muhîm o.  La qeyûm hêrişê heqê cinîyan keno. Ma femînîstî wazenê cinîyanê kurdan reyde xeta têkoşînê hevpar awan bikerê.”

 

‘Ma do wayîrê îradeyê Colemêrgî vejîyê’

 

Eftelya wina qedêna: “Ma do cinîyan reyde têkoşîn pîl bikerê. Pêro şarê kurdî û heta komê sosyalîst wayîrê îradeyê şarê kurdî vejîyenê. Rayîrşîyayîşê rêzgirewtişê îradeyî reyde bi rojano dewam keno. Ma do hemverê faşîzmî wayîrê îradeyê Colemêrgî vejîyê.”