MERKEZÊ XEBERAN - Heyetê Ciwan û Sporî yê Kantonê Cizîre, semedê tutan mabêne emrê 6-14 serreyî de akademîya sporî akerd.

 

Binê sîwanê Akademîya Heysem Kiço ke serê sewîyeya temamê Sûrîye fermiyet girewt, vizêr Stadyumê Şehîd Heysem Kiço yê bajarê Qamişlo perwerdeyê teorîk û prartîkî yê futbolî dest pêkerdî.

 

Stadyumê futbolî, çarçewaya bernameyê Akademîye de dimayê ke şagirdî hetê antrenoran ra goreyê emrê înan bi hawayêkê komî ameyî visnayîş, dest bi bernameyê perwerde kerdî.

 

Akademî de do bi ekîbê ke 8 kesan (2 înan ra cinî yê) pê yeno, saete 18.00 heta 19.00ine, stadyumê Şehîdê 12ê Adare û Stadyumê Şehîd Heysem Kiço yê bajarê Qamişlo, perwerdeyê teorîk û prartîkî yê futbolî bêrê dayîş.

 

Perwerdeyê akademiyî do 3 aşman dewam bikerê û şagirtê serkewte rê sertîfîka bêrê dayîş.

 

Goregê agahîyê ke endamê Îdarekarê Heyetê Ciwanan û Sporî yê Kantonê Cizîrî Sefwan Mûsa daya ANHAyî, do demê bêrê de, akademî de pêwa futbolî, do perwerdeyê basketbol, voleybol, hentbol, tenis û asnawî zî bêrê dayîş.

 

Heyetê Ciwan û Sporî tê Kantonê Cizîrî serra 2017ine ra semedê tutê mabêne 6 - 14 serrî de bi rayîrê ofîsan perwerdeyê sporî yê futbol, voleybol, tenîs û ûsn. danê.

 

Serê averşîyayîşê xebatan ke derûdorê 500 tutî ameyî perwerdekerdiş, heyetî serra 2024ine de qerar da ke perwerde binê sîwaneyê akademiyî de dewam bikero.