STENBOL - Roniştişê dewaya ke 11 aktîvîstê TJAyî bi îdiayê "Endamîya rêxistine" yenê muhakemekerdiş,  taloqê 13ê Sibata 2025ine ame kerdiş.

 

Yewin roniştişê dewaya ke 11 aktîvîstê Têgêrayîşê Cinîyanê Azadan (TJA) bi îdiayê "endamîya rêxistine" yenê muhakemekerdiş, 25ine Dadgeha Cezaya Giran ya Stenbolî ame vînayîş. Roniştiş de aktîvîstî yenê muhakemekerdiş û avûkatanê înan amade bî. Parlamentera Partîya Têduştî û Demokrasî (DEM Partî) Ozgul Sakî, endamê Komeleya Demê Cinîyan û xeylêk cinî beşdarê roniştişî bîyî û paştdayîş dayî aktîvîstê ke yenê muhakemekerdiş. 

 

Roniştiş ame taloqkerdiş

 

Roniştiş, bi tespîtkerdişê nasnameyan dest pêkerd. Semedo ke dadgerê dewa betlane de bî, aktîvîstan pawitişê xo nêkerd. Avûkate Meleknur Ramazanoglû waştişê wedaritişê tedbîrê kontrolê edlî kerd.

 

Heyetê dadgehe qerarê dewamkerdişê tedbîrê kontrolê edlî da û roniştiş taloqê 13ê Sibata 2025ine kerd.