ANQARA - Tum Bel-Senî, bi wesîleya 25ê Teşrîna Peyêne, hemverê şîdetî stantê îmzayan aker û dîyar kerd ke do hemverê her tewir hêrişan meydanan de bê. 

 

Sendîkayê Kedkarê Xizmetê Îdarekarîyê Herêmî û Pêro Şaredarîyan (Tum Bel-Sen) bi wesîleya 24ê Teşrîna Peyêne kampanyaya îmzeyan da destpêkerdiş. Hemverê betalkerdişê Peymana Stenbolî, pratîzenêkerdişê qanûnê 6284î û Peymana Lanzorette, qebûlnêkerdişê Peymana 190 ê ILOyî, cadeyê Sakaryayî de stant akerdî û îmza arê dayî.  Welatijan eleqeyêk pîl kampanya rê mojna. 

 

Cinîyan bale ant muhîmîyê kampanyaye ser. Beyhan Yalçin, dîyar kerd ke welat de bi hezaran cinî yenê qetilkerdiş, la welatîjî bêreaksîyon ê. Îlkay Ersus zî da zanayîş ke semedê pawitişê cuye do kuçeyan de bê. 

 

Îlkay Ersus waştişanê xo wina rêze kerd: 

 

“* Ganî qerarê betalkerdişî yê Peymana Stenbolî îptal bikerê.

 

* Ganî hukmê Peymana Lanzorettayî bi hawayêkê bi tesîr ca bîyarê.

 

* Ganî qanûnê bi hûmara 6284ine bi tesîr bêro tetbîqkerdiş.

 

* Peymana hûmara 190ine yê ILO bêro tesdîqkerdiş.”