MERKEZÊ XEBERAN - Serekê Pêroyî yê ÎHDyî Huseyîn Kuçukbalaban dîyar kerd ke heyetê ÎHDyî semedê bieşko Rayberê PKKyî Abdullah Ocalanî bivîno do reyke bîn muracat bikero.

 

Serekê Pêroyî yê ÎHDyî Huseyîn Kuçukbalaban Ajansê Mezopotamyaye rê qisey kerd û vat, "Rojê bêro semedê heyetê Komeleya Heqê Merdiman (ÎHD) şêro Girawa Îmraliyî do vengdayîş û waştişêk ma yê newe bibo."

 

Huseyîn Kuçukbalabanî vat, "Ganî hawirdorêk demokratîk ke pêro beşê komelî serê rayîrê aştîye de bibê wayîrê vatişêk hempar bêro awankerdiş. Ganî rayîr vernîya keye û avûkatanê Abdullah Ocalanî rê bêro akerdiş. Nika tena pêvînayîşêk ame kerdiş. Badê semedê rayaumûmî eşkerayîye ameye dayîş la badê cû ancî cezaya dîsîplînî ameya birnayîş. Komel êdî nê cezayanê dîsîplînî ra bêzar bîyo. Êdî nê çîyê ke komel wazeno bixo yê. Bi taybetî zî şarê kurdî. Sewbîna vatişê aştîye mîyanê komelî de hêvîyêke virazneno. Ganî na hêvî bêro pîlkerdiş.”