ŞIRNEX - Sazgehê komelî yê Şirnexî derheqê desteştişî yê hemverê tutan de eşkerayîyêke hempar dayî û waştî kerdoxî bêrê cezakerdiş. 

 

Demê peyîn de Şirnex de desteştişê hemverê tutan zêde bî û 10ê hezîrane de vejîya werte ke Yûsûf Acar desteştişê 4 tutan kerdo. 25 sazgehê komelî yê bajarî derheqê babete de eşkerayîyêke hempar dayî. 

 

Eşkerayî de ame vatiş ke desteştişê hemverê tutan de bajar de hêrsêk pîl virazîyayo û vatî: "Rêze hedîseyê desteştişî yê demê peyîn de Merkezê Şirnexî de ameyî kerdiş, ma pêrûne mîyanê endîşe û hêrsêk pîlî de verdayo. Nê hedîseyê kirêt de xeylê qûrbanîyê tutan ê, berpirsyarîyê ma yê komelî û hesasîyetê ma yê qanûnî zêdeyêr keno."

 

Nameyê sazgehê sivîl û meslegî yê eşkerayî dayî wina yê: "Baroyê Şirnexî, Odaya Bazirganî û Sanayîye ya Şirnexî, Şubeyê Komeleya Heqê Merdiman ê Şirnexî, Sendîkaya Esnaf û Meslegdaran, Odaya Esnafan ê Şirnexî, Odaya Tabîban ê Şirnexî, Odaya Didanan ê Şirnexî, Odaya Doktorê Didanan ê Şirnexî, Kooperatîfê Kargehê Şirnexî, Kooperatîfê Sîteyê Meslegî yê Şirnexî,  Sendîkayê Kedkaranê Weşîye û Xizmetê Komelî yê Şirnexî, Komeleya Muayeneyê Komirî yê Şirnexî, Komeleya Astengdaran ê Şirnexî, Kooperatîfê Kefaletî yê Şirnexî, Odaya Dermanrotixan ê Şirnexî, Odaya Muhasebekaranê Xoser û Şêwirmendê Malî, Sendîkayê Kedkaranê Perwerde û Zanistî yê Şirnexî, Sendîkayê Kedkaranê Xizmetê Pêro Şaredarî û Îdarekarîyê Herêmî, Komeleya Ziwan û Kulturî yê Bîrca Belekî, Odaya Mîmaran ê Şirnexî, Odaya Muhendisanê Sivîlî yê Şirnexî, Odaya Muhendisanê Elektrîkî yê Şirnexî, 23ine Sîteyê Meslegî Qije yê Cizîre, Platformê Bajarî yê Silopî, Komeleya Hiqûqnasan ê semedê Azadîye ya Şirnexî.”