MERKEZÊ XEBERAN - Tepişteya sîyasî Parîsa Kemalî Ardakanî ya ke Zîndanê Yezdî de tepişte ya, grevê vêşanîye ke hemverê yewbîyayîşê dosyaya aye ya sucî dest pêkerdbî, peynî kerd.

 

Tepişteya sîyasî Parisa Kemalî Ardakanî ya ke Zîndanê Yezdî de tepişte ya, neql kerde ke dimayê 13 rojî grevê vêşanîye ke semedê nêrazîbîyayîşê hemverê nêvurnayîşê cezaya xo dest pêkerdbî, peynî kerda.

 

Parîsa Kemalî Ardakanî sebebê peynîkerdişê grevî sey sozê pozîtîf yê selahîyetdaranê zîndanî yê semedê ercnayîşê waştişê aye neql kerd. Ardakanî Îsfahan de ameye destbendkerdiş û berdîya merkezê destbendkerdişî yê Dolatabadî. Dimayê nê, Şaxa Yewine ya Dadgeha Şorişî ya Îsfahanî semedê “wêrankerdişê malê pêroyî” di serrî surgun û semedê “propagandaya hemverê rejîmî” û “endamîya komê muxalefetî de” bi temamî hewt serrî û new aşmî cezaya zîndanî aye rê birnaye.