AMED - Temsîlkara sereka Baroyê Amedî Şîlan Çelîk dîyar kerd ke do hemverê sûcê şerî yê Sûrîye hemverê cinî û şaran muracatê Dadgeha Cezaye ya Mîyanneteweyî bikerê.

 

Hêrişê çeteyê HTŞî ke 6ê çeleyî de hemverê taxanê Şêxmeqsûd û Eşrefîye yê Helebî dest pêkerdî dewam kenê. Hêrişan de bi seyine kesî ameyê qetilkerdiş, remnayîş û bi hezaran keyeyî ameyê koçberkerdiş. Hemverê hêrişan de bêvengîya sazgehê heqê merdiman dewam keno. Baroyê Amedî hemverê hêriş, sûcê şerî û binpaykerdişê heqan muracatê Dadgeha Cezaye ya Mîyanneteweyî kerd.

 

Temsîlkara serekê Baroyê Amedî Şîlan Çelîk da zanayîş ke çî yenê ciwîyayene sûcê merdimîye yo û va semedê Peymana Cenevreyê Sûrîye nêame ciwîyayene û îdare hîna demkî ya, mekanîzmayê qerarî xetimnaye yo, krîzê welatî her ke şino giran beno. Şîlan Çelîk wina ard ziwan: “Bi serran o Sûrîye şer est o. Uca vurnayîşê rejîmî dir hukmatê demkî ame awankerdiş. Nê dir Sûrîye ameyîne pawitiş ke nasnameyê pîya bê. Na rewşe pabebîyayîşê şarê Sûrîye bî. Labelê ma vînenê ke destpêk ra pêkerdişêk temam çin o. Semedê peymanêk komî nêame kerdiş çi heyf problemê girdî zî xo dir ard. Semedê ware hêrişan rê akerde mend.”

 

‘Sûcê şerî yeno kerdiş’

 

Şîlan Çelîk eşkera kerd ke pêwa madeyê peymana Cenevreyî hêriş pê yeno û hêzê hêrişî pê anê zî bi bêcezaverdayîşî têgêrayîşî û va, bêvengîya raya pêroyî zî nê sûcan meşrû keno. Şîlan Çelîk wina peynîya qiseykerdişê xo ard: “Hêriş xeylê xo hemverê şarê sivîlî yeno kerdiş. Hemverê şaran de cinî û tutan sûcê şerî yenê kerdiş. Vernîgirewtiş çin o. Bêcezaverdayîş est o. Ganî nê bêcezaverdayîşî lezkî werte ra bêro wedaritiş. Vernîya inê sûcan bêro girewtiş. Ma do hemverê binpaykerdişî muracatê Dadgeha Cezaye ya Mîyanneteweyî bikerê.”