STENBOL - Turkan Karadaşli, pêwa ke temmuza 2025ine de cezaya xo temam kerdebî, bi sebebê keyfî yê sey "nêwaştişê kitaban", serrêke û nîm zîndan de mende, Zîndanê Cinîyan ê Bakirkoyî ra ameye veradayîş.

 

Turkan Karadaşli ke serra 2020ine de bi tohmetê "endamîya rêxistine" Stenbol de ameye tepiştiş, pêwa ke cezaya xo temam kerdebî zî semedê sebebê keyfî serrêke û nîm nêamî veradayîş. Veradayîşê aye hetê Heyetê Îdarekar û Çimdarîyî yê Zîndanê Cinîyan ê Bakirkoyî ra di rey ame tepîyakerdiş. Ewro, Turkan Karadaşli Zîndanê Cinîyan ê Bakirkoyî ra ameye veradayîş.

 

Bi gulan ameye pêşwazîkerdiş

 

Dimayê serbestveradayîşê Turkan Karadaşli hetê keyeyê aye, endamê Komeleya Marmarayî ya Hetkarî û Piştîdayîşê bi Merdimanê Tepişte û Mehkûman dir (MATUHAY-DER) û aktivîstê Têgêrayîşê Cinîyanê Azadan (TJA) ra bi gulan ameye pêşwazîkerdiş.