AMED – TJA’yî hemverê qetilkerdişê sereka Rêxistina Xelasîya Cinîyanê Iraqî (OWFI) Yanar Muhammed ke 2yê Adare Bexdayî de reaksîyon mojna û dîyar kerd ke no hêriş taktîkêk çimtersnayîşî yê plankerde bi hemverê têkoşînê rêxistinbîyaye yê semedê azadîya cinîyan hewteyê 8ê Adare de.

 

Têgêrayîşê Cinîyanê Azadan (TJA) derheqê qetilkerdişê endama awankerdox û sereka Rêxistina Xelasîya Cinîyanê Iraqî (OWFI) Yanar Muhammed 2yê Adare de Bexdayî eşkerayîyêka nuşteyî weşan kerd.

 

Eşkerayîye bale ant ser wextê qetilkerdişî û qetî kerd ke no hêrişê ke hewteyê 8ê Adare Roja Cinîyan a Dinya de ame kerdiş tesaduf nîyo. TJA’yî dîyar kerd ke no hêrişo ke wextêk ame kerdiş ke cinî xoverdayîş û waştişê xo yê tarîxî semedê azadîye mojnenê, taktîkêk çimtersnayîşî yê bi zanebîyayîş hemverê bîyayîşê kolektîf û sîyasî yê cinîyan o.

 

Eşkerayîye ke ci de ame waştiş ke sûcdar û kesê pey hêrişî bêrê muhakemekerdiş de wina ame vatiş: “Têkoşînê Yanar Muhammed bênetîce nêmaneno. Her hêrişê hemverê cinîyan do bi îradeyêk hîn xurt ê rêxistinbîyaye dir rî bi rî bimano.”

 

Eşkerayî bi sersaxîya keye, heskerdoxê Yanar Muhammed û pawitoxê azadîya cinîyan, bi taybetî OWFI, peynî bî.