AMED- Komela Rojnamegeran ê Cinîyan a Mezopotamya (MKG) “Raporê Binpaykerdişê Heqanê Rojnamegeran ê Cinîyan ê Sibata 2026î” eşkera kerd. Raporî de ame vatene ke hem heqê xeberkerdişê rojnamegeran ê cinîyan hem zî azadîya xebergirewtişê komelî bi formêko sîstematîk bîyî hedef.

 

Goreyê raporî aşma sibate de rojnamegerî rastê sereştişê keyeyan, destbendkerdiş û girewtiş, war ra pirodayîş û astengkerdiş, prosesê dadgehî û sansûrê dîjîtalî ameyê. Bi taybetî operasyonê ke vera sazgehanê Çapemenîya Azade ameyê kerdene çalakîyê rojnamegerîye bi hewayêko fîîlî asteng kerdî.

 

Goreyê daneyan ê MKG’yî aşmêk de keyeyê 4 rojnamegeran ameyê sereştene, 5 rojnamegerî ameyê destbendkerdene û 4 rojnamegerî ameyê girewtene. Eynî wextî de 5 rojnamegerî rastê muameleyê xirab ameyê, 2 rojnamegeran ser o cipersayîş û 1 rojnamegerî rê dewa ameye akerdene.

 

Raporî de 12 dosyayî akerdeyî yê û muhamekakerdişê 14 rojnamegeran dewam keno. Eynî wextî de 8 sîteyê întêrnetî û 7 hesabê medyaya dîjîtale ameyê girewtene.

 

MKG vengdayîşê qedênayîşê destbendkerdiş, girewtiş û şîdetê vera rojnamegeran, hewanayîşê sansûrê dîjîtalî û garantîkerdişê azadîya çapemenîye goreyê standardan ê nêteweyî yê heqê merdimîye kerd.

 

Semedê detayê raporî şima eşkenê lînkî cêrînî bitikinê: