AGIRÎ - Sema Yuce, a ke semedê protestokerdişê zordarî û tedayê ke şarê kurdî ser o yenê kerdiş, bedenê xo da adirî ver, gorê aye ser o ameye yadkerdiş.

 

Bi serkêşîya Komeleya Hemkarîya bi Keyeyê Kesanê ke Bêşingê Medenîyetan de Merdimanê Xo Vînî kerdî, Paştîdayîş, Kultur û Yewîye (MEBYA-DER), qezaya Dutaxî ya Agirî de, dewa Qerxelixa Jêrî de, programêk yadkerdişî ame organîzekerdiş. Program de temsîlkarê rêxistinanê komelê demokratîkî û hûmarêk zêde yê welatijan amade bîyî.

 

Merasîm de, gorê Sema Yuce ya ke bi vatişanê “Ez bîya Newroz, ez bîya Mazlûm” çalakîya xo pê ardibî, rêze ameye girewtiş. Beşdaranê programî dîyar kerdî ke ê do têkoşînê Sema Yuce û mîrasê xoverdayîşî bidomnê û wayîr ci rê vejîyê.

 

Yadkerdiş bi ronayîşê qerenfîlan gorî ser o û bi sloganê ke ameyî berzkerdiş peynî bî.