AGIRÎ - Zîlane û Sema Yuce, şexsîyetê serkêşî yê Têgêrayîşê Azadîya Kurdî, serrgera xo de ameyî vîrardiş.

 

Seba serrgera Zeynep Kinaci (Zîlan) û Sema Yuce, şexsîyetê serkêşî yê Têgêrayîşê Azadîya Kurdî, banê DEM Partî yê bajarê Agirî de hetê MEBYA-DERî ve bernameyêko vîrardişî ame organîzekerdiş. Temsîlkarê rêxistinê tewir bi tewir û zafê welatijan tewrê vîrardişî bîyî.

 

Seba vîrardişê merdimanê ke têkoşînê azadîye de dinyaya xo bedelnayî, deqeyêk rêzgirewtiş ame kerdene û mûmî ameyî tafistiş. Qiseykerdişê ke çalakîye de ameyî kerdene de, wefadarîya bi têkoşînê Zîlane û Sema Yuce reyna ameyî vatene û qerardarîya hîrakerdişê mîrasê înan ameye mojnayene.

 

Vîrardiş de sînevîzyonêko (slayt) derheqê cuye û têkoşînê her di cinîyan de zî ame mojnayene.

 

Bernameyê vîrardişî bi sloganê "Şehîd namirin" peynî bi.